6 fevral 2023-cü il səhər saatlarında Türkiyənin cənubunda və Suriyanın şimalında baş verən zəlzələlər bu əsrin ən dağıdıcı zəlzələlərindən olub. Fəlakətdən sonra xilasedicilər hər gün demək olar ki, minlərlə insanların cəsədlərini dağıntılar altından çıxarırlar. Bu dəhşətli zəlzələ əsasən keyfiyyətsiz tikinti təcrübələrindən və zəlzələnin baş vermə vaxtından qaynaqlanır. Zəlzələnin baş vermə anı dedikdə, zəlzələ səhər saatlarında baş verdiyi üçün insanların yatdığı zaman baş vermişdir və buna görə də ölüm sayı dəfələrlə artmışdır. Bu seysmik hadisə 7,8 və 7,5 bal gücündə idi və hər 2 ölkəyə ciddi ziyan vurdu. Dünyada hər il maqnitudası 7 və ya daha çox olan təxminən 15 zəlzələ baş verir.

Yerli əhalinin və onlarla ölkədən gələn təcili yardım qruplarının müşayiəti ilə 30,000-dən çox xilasetmə işçisi sağ qalanların yerini tapmaq üçün gecə-gündüz işləyir. 6 gündən çox vaxt keçdikdən sonra dağıntılar altından bir körpə çıxarılıb. Həmçinin, insanlarla birlikdə ev heyvanları xilasedicilər tərəfindən xilas olunur. Türkiyə yanğınsöndürənləri, mədənçilər və inşaat işçiləri hər yerdə zərər çəkmişlərə yardım, ərzaq və ləvazimat çatdırır.

Lakin xilasetmə səyləri getdikcə daha çox kütləvi eksqumasiyaya bənzəyir. Hələ də 10 minlərlə insanın dağıntılar altında qaldığı güman edilir. 500.000-dən çox əhalisi olan Kahramanmaraşda zəlzələ nəticəsində yanğınların tüstüsü bütün dağıntı təpələrini bürüyüb.

Bölgədə milyonlarla insan ölkənin fövqəladə yardım agentliyi tərəfindən təmin edilən çadır şəhərciklərində, məscidlərdə, məktəblərdə, kitabxanalarda və ya öz avtomobillərində evsiz-eşiksiz yatıb.

Təcili yardım qruplarının Adıyaman kimi şəhərlərə çatması günlər çəkib. O zamana qədər sağ qalanların səsləri daha da zəifləyirdi. Ən azı 200 nəfərin öldüyü güman edilən qarlı dağların altındakı Şekeroba kəndi kimi yerlərdə sakinlər özləri dağıntıları qazaraq ölüləri yaxınlıqdakı xəstəxanaya çatdırıblar.

Bununla belə, ölümlərin ən böyük səbəbi keyfiyyətsiz tikinti standartları, korrupsiya və pis siyasətin qurulması ola bilər. Bunların hamısı Türkiyənin tikinti və kirayə axtarışı ilə dəstəklənən iqtisadi modelinin bir hissəsidir. Analitiklərin fikrincə, Türkiyə prezidenti Rəcəb Tayyib Ərdoğanın hökuməti günahın böyük hissəsini daşıyır.