Son zamanlarlar tez-tez qarşılaşdığımız rebrendinq sözünün mənası brendin, brend fəaliyyətinin yenilənməsi deməkdir. Yəni, marka və ya məhsulun imicinin, xüsusiyyətlərinin və hədəflərinin yenilənməsi və yeni kütləyə çatması üçün aparılan rebrendinq fəaliyyəti hər bir biznes üçün faydalıdır. Bəs rebrendinqə ehtiyac yarandığını necə müəyyən etmək mümkündür? Bəzi sualların cavabı bu məsələdə kritik rol oynayır:
  1. Nə üçün rebrendinq haqqında düşünürsünüz?
  2. Hansı dəyişiklikləri nəzərdə tutursunuz?
  3. Şirkət daxilində rebrendinqə təsir edəcək hər hansı dəyişiklik gözlənilirmi?
Bu suallara cavab taparaq öz brendinizin yeniliyə ehtiyacı olub-olmadığını daha yaxşı müəyyən edə bilərsiniz. Bəs rebrendinq fəaliyyətinin üstünlükləri nələrdir?
  1. Yeni potensial müştəri kütləsi: Yenilənən məhsulların fərqli müştəri kütləsi cəlb etmək ehtimalı hər zaman daha çoxdur.
  2. Rəqiblərə qarşı fərqlənmək.
  3. Brendinizi daim yenilənmiş tutmaq.
  4. Yeni hədəf, dəyər və məhsullara ayaq uydurmaq.
  5. Gəlirin artması. Yuxarıda saydığımız 4 üstünlüyün birgə fəaliyyəti nəticəsində ortaya çıxan gəlir artışı markaların əsas hədəflərindən hesab olunur. 
Təbii ki, rebrendinq fəaliyyəti hər zaman uğur gətirməyə bilər. Düzgün qurulmayan kommunikasiya planı və düşünülüməmiş hədəflər uğursuzluğun ən vacib səbəblərindəndir. Onu da qeyd edək ki, son zamanlar bir çox tanınmış markalar loqolar üzrə rebrendinq fəaliyyəti göstərərək minimalizm axımına ayaq uydurur. Burger King, Airbnb, Volkswagen buna ən uyğun misallardır.