Yeni texnologiyaların istifadəsi öz növbəsində yeni biznes ideyalarının yaranmasına gətirib çıxarır. Startap dünyasının rəngarəngliyi isə günü-gündən artmaqdadır. Gəlin sizin üçün seçdiyimiz 2 fərqli startap ilə tanış olaq: 1.Günlük alış-verişinizi edərkən şirkət səhmlərindən pay qazanmaq istəyərdinizmi? Əgər cavabınız müsbətdirsə vaxt itirmədən “Bumped” tətbiqetməsini yükləməlisiniz. 2017-ci ildə David Nelsen tərəfindən qurulan startap öz istifadəçilərinə alış-veriş zamanı yığılan bonusları səhmlərə çevirmək şansı verir. Loyallıq proqramlarına innovativ yanaşma gətirən Nelsen 2 illik müşahidələrinə əsasən bildirir ki, yeni növ bonus sistemi ilə insanlar öz sevimli mağazalarındakı xərcləmələrini artırır və tətbiqetməyə daxil olmayan mağazalardan alış-veriş etməyi dayandırır. Mənbə: https://news.crunchbase.com/news/bumped-raises-10-4m-for-program-that-gives-equity-as-shopping-rewards/ Şirkət haqqında ətraflı məlumat: https://bumped.com/about 
  1. Rəqəmsal erada əkinçiliyə innovativ baxış!
San-Fransisko mərkəzli startap olan Arable 20 milyonluq seriya B invesitisiyası ilə istifadəçilərinə innovativ əkinçilik təcrübəsi təklif edir. Belə ki, şirkət əkinçilərə rəqəmsallaşmanın faydalarından yararlanmaq üçün bir sıra imkanlar yaradır.Arable müxtəlif məhsullar haqqında xüsusi termal sensorlar vasitəsi ilə toplanılmış məlumat bazası təqdim etməklə hər əkin üçün lazım olan istilik,su,gün işığı miqdarını və lazımı yığım vaxtını öyrənməyə kömək edir. Keyfiyyətli qida sistemi üçün yaxşı texnologiyaya ehtiyacımız olduğunu qeyd edən şirkətin CEO-su Jim Ethington Braziliya bazarında yeni investisiyalar üçün hazırlaşdıqlarını da bildirib. Şirkətin digər hədəfi isə bütün dünyadakı fermerlərə dəstək ola bilmək məqsədi ilə Braziliya filialını böyütmək və daha sonra Asiya bazarına addım atmaqdır.  Mənbə: https://news.crunchbase.com/news/arable-cultivates-20m-series-b-to-digitize-agriculture/