Həftələr öncə Qautam Adani dünyanın üçüncü ən zəngin adamı və özünü Hindistanın Rokfelleri adlandırırdı.
Maqnatın şəxsi sərvətindən on milyardlarla pul silinib. Bu gün şirkət borc ödənişlərini ödəyə biləcəyini göstərmək üçün yarışır.
Bazarlardakı alçaldıcı vəziyyət, cənab Adaninin ambisiyalarını şübhə altına alır. Bu, həm də Hindistanın baş naziri və cənab Adaninin yaxın adamı Narendra Modi üçün siyasi utanc qaynağıdır. Bu isə, Hindistan kapitalizmini son illərin ən sərt sınağı ilə qarşı-qarşıya qoyur.
Cənab Adaninin genişlənən imperiyası yüz milyonlarla hindlinin gündəlik həyatına təsir edir. O, Hindistanın ən böyük limanlarından bəzilərini idarə edir, taxılının üçdə birini saxlayır, elektrik xətlərinin beşdə birini idarə edir və sementin beşdə birini istehsal edir.
Əmlakına görə Hindistanın ən böyük 10 qeyri-maliyyə firması arasında idi və sürətlə böyüməsi proqnozlaşdırılırdı. Bu artımın perspektivləri hazırda qeyri-müəyyəndir.
Yanvarın 24-də dərc olunan hesabatda Hindenburg Research, Adani ailəsi ilə əlaqəli qeyri-şəffaf qurumların, qrupun səhmlərinin qiymətini manipulyasiya etdiyini iddia etdi. Adani iddiaları yalanlasa da, investorları inandıra bilməyib. Beləliklə, səhmlərin qiyməti aşağı düşüb və maliyyələşdirmə planları pozulub. Cənab Modi üçün böyük şirkətlər Hindistanın infrastrukturuna kapital qoyuluşunu artırmaqda əsas yer tutur.
Cənab Modi baş nazir olanda, cənab Adaninin təyyarəsi ilə Dehliyə uçduğu vaxtdan, Hindenburq hesabatının yayımlanmasına qədər, Adaninin şəxsi sərvəti təxminən 7 milyard dollardan 120 milyard dollara qədər artdı.
Hökumət indi açıq və ya üstüörtülü şəkildə cənab Adaniyə dəstək təklif etmək istəyinə düşə bilər. Bu isə, səhv olardı. Hindistanda davamlı inkişaf üçün bir çox şərtlər var.
Bununla belə, öz potensialına çatmaq üçün iri biznesin yaxından və qərəzsiz təftişi həyati əhəmiyyət kəsb edəcək.
Cənab Modi, Hindistanı qlobal istehsal gücünə çevirmək istəyir. Yaxşı yollar və elektrik olmadan isə, bu, mümkün deyil. Beləliklə, böyük bizneslər infrastruktura sərmayə qoymağa və yerli təchizat zəncirlərini inkişaf etdirməyə kömək etdilər. Hindistanın ən böyük firmalarından bəziləri olan Adani, Reliance Industries, Tata və JSW ilə birlikdə növbəti 5-8 il ərzində infrastruktura və inkişaf etməkdə olan sənayelərə 250 milyard dollardan çox sərmayə qoymağı planlaşdırır.
Maqnat nə qədər böyükdürsə, paylar da bir o qədər böyük olur. Hindistanın 500 ən böyük qeyri-maliyyə firması tərəfindən kapital qoyuluşunun 7%-nə yalnız cənab Adani cavabdehdir. O, ölkənin strateji əhəmiyyətli limanlarının dominant operatorudur.
Hindenburq iddia edir ki, Hindistanın Qiymətli Kağızlar və Birjalar Şurası, ölkənin bazarlarına nəzarət orqanı, 2021-ci ildə Adani ilə bağlı araşdırmaya başladı. Tənzimləyici Adani ilə bağlı hər hansı davam edən araşdırmaların statusunu bəyan etməlidir. Və o, tez-tez Hindistan birja qalmaqallarının mərkəzində olan Mavrikiydə yerləşən investisiya firmalarından şəffaflıq tələb etməlidir.
