ABŞ-ın dərman nəhəngi Pfizer, patentli dərmanlarını dünyanın aşağı gəlirli 45 ölkəsinə satmaqla artıq qazanc əldə etməyəcəyini bildirib.
Pfizer, planın yoluxucu və nadir iltihabi xəstəlikləri və bəzi xərçəng növlərini müalicə edən 23 patentli dərman və peyvəndi ehtiva etdiyini söylədi. O, yeni dərman və peyvəndlərin də öz qiymətinə satılacağını bildirib. Firma əvvəllər koronavirusla əlaqəli peyvəndlərdən qazanc əldə etdiyi üçün tənqid olunub.
Pfizer, koronavirusa qarşı peyvənd və antiviral müalicəsinin plana daxil ediləcəyini söylədi. Şirkət bu addımın bir milyarddan çox insana fayda verəcəyini bildirib.
"Biz bilirik ki, dərmanlarımıza çıxış əldə etmək üçün ölkələrin öhdəsindən gəlməli olduğu bir sıra maneələr var. Bu səbəbdən biz ilkin olaraq beş pilot ölkə seçmişik ki, operativ həlləri müəyyən edək və sonra bu öyrəndiklərimizi qalan ölkələrlə paylaşaq." Bu barədə Pfizer Biopharmaceuticals qrupunun prezidenti Angela Hvanq bildirib.
Bill və Melinda Gates Fondunun həmsədri Bill Gates, digər firmaların da onların addımlarını izləyəcəklərinə ümid etdiyini söylədi. "Biz Pfizer ilə işləməkdən məmnunuq və bu cür təşəbbüslər haqqında bütün əczaçılıq sənayesi ilə danışırıq" dedi cənab Geyts.
Firma, dərman istehsalçısı AstraZeneca-dan fərqli olaraq, pandemiya zamanı qazanc üçün Covid vaksinlərini satmağa davam edərkən tənqidlə üzləşdi.
Cənab Bourla, həmçinin Ümumdünya Səhiyyə Təşkilatına və digər tərəfdaşlara dərmanların təyin edilməsi və paylanmasında kömək etmək üçün müraciət edib.
İndiyədək Ruanda, Qana, Malavi, Uqanda və Seneqal şirkətin “Daha Sağlam Dünya üçün Saziş”inə qoşulmağı öhdəsinə götürüb.
Malavi prezidenti Lazarus Chakwera verdiyi açıqlamada, razılaşmanın ölkələrə və firmaya "milyonlarla insanın həyatını xilas edəcək tədarüklərin istehsalı və çatdırılmasında xərclərin və vəzifələrin yükünü paylaşmağa" imkan verəcəyini söylədi.
Ruanda prezidenti Pol Kaqame də digər şirkətlərin Pfizerdən nümunə götürəcəyinə ümid etdiyini bildirib.
