Verilən məlumata görə, "Oracle" bəzi işçilərinə ofisdə işləmək üçün geri qayıtmağı əmr etdi.
Bazar ertəsi "Oracle" rəhbərləri tərəfindən göndərilən e-poçtda deyilir: "Biz yaradıcılığımızı gücləndirən, qərar qəbul etməyimizi təkmilləşdirən və bir-birimizdən öyrənməyimizə kömək edən şəxsi əməkdaşlığın və mentorluğun faydasını əldən vermişik". "İndi nəzarət altında olan COVID-19 pandemiyası ilə, epidemiyadan əvvəl işlədiyimiz üsula qayıtmağın vaxtı gəlib."
"Oracle" ın Korporativ Əməliyyatlar üzrə İcraçı Vitse-Prezidenti Doug Kehring və insan resursları üzrə mütəxəssisi Joyce Vesterdahl tərəfindən göndərilən elektron məktuba əsasən, işçilər növbəti 30 gün ərzində öz vəzifələrinin ofisdaxili, frilans və ya uzaqdan olduğunu öyrənəcəklər.
Nə qədər işçinin ofislərdə işləməyə qayıdacağı hələ tam bəlli deyil. Həmçinin, "Oracle"ın ofisindən uzaqda yaşayan işçilərin hansı nəticələrlə üzləşəcəyi də bəlli deyil. "Oracle" əməkdaşları şirkətin ofis sahəsinin xeyli azaldığını, ona görə də pandemiyadan əvvəl ofisdə işləyənlərin hamısı üçün kifayət qədər yer olmayacağını söylədilər.
Şirkət bildirib ki, “Son bir neçə il ərzində biz diqqətimizi müştəri uğuruna yönəltməklə və çətin şərtlər qarşısında işimizi irəli apararaq əlamətdar iş görmüşük."
Artıq nəzarət altında olan COVID-19 pandemiyası ilə epidemiyadan əvvəl işlədiyimiz üsula qayıtmağın vaxtıdır deyə şirkət bildirib. "Oracle" bildirib ki, şirkət pandemiya ilə bağlı mövcud olan əksər siyasətləri ləğv edəcək.
"Oracle"da ümumi 3 növ iş idarə etmə forması var.
1. Ofisdaxili iş: Ofisdaxili işlər ofisdə tam zamanlı işləyən və xüsusi yer ayrılmış şəxslər üçündür.
2. Frilans işlər: Frilans işlər ümumiyyətlə ofisdən part-time, o cümlədən vəzifələrinə görə yolda vaxt keçirən və ya tez-tez müştəri saytlarında işləyən işləyən şəxslər üçündür.
3. Uzaqdan iş: Uzaqdan olan ofis işləri, ümumiyyətlə evdən uzaq bir yerdən işləyən şəxslər üçündür.
Şirkət ən sonda bildirib ki, işçilər üçün gözlənilən iş növü, o cümlədən hər hansı dəyişiklik növbəti 30 gün ərzində rəhbərlik tərəfindən bildiriləcək.
