"ChatGPT" noyabr ayında buraxıldıqdan sonra tez bir zamanda səs gətirdi. Lakin onun arxasında duran startap OpenAI-nin digər süni intellekt məhsulları da var.
"ChatGPT" özü də mübahisələrə səbəb oldu. Hətta Google və Microsoft kimi böyük texnologiya şirkətləri daha güclü süni intellekt alətlərini inkişaf etdirmək üçün öz aralarında yarışa başladı. OpenAI indi Microsoft ilə Bing-in "ChatGPT"-dən "daha güclü" süni intellekt chatbotunu ehtiva edən yeni versiyası üçün əməkdaşlıq edir. "ChatGPT" ilə OpenAI-nin uğuru hələlik qarşısıalınmaz görünür. Startapın bəzi digər süni intellekt məhsullarına nəzər salaq:
"DALL-E"
OpenAI-nin başqa bir generatoru olan "DALL-E", insanın ətraflı mətn təsvirləri əsasında şəkillər yaradır.
ChatGPT-nin işə salınmasından bir neçə ay əvvəl OpenAI, generativ süni intellekt incəsənət generatoru, "DALL-E" üçün gözləmə siyahısını sildi. "DALL-E" və digər oxşar süni intellekt incəsənət generatorlarının yaradıcı insanlar üçün nə demək olduğunu müzakirə edən rəssamlar arasında mübahisələrə səbəb oldu. Süni intellekt generatoru insanın daxil etdiyi ətraflı mətn göstərişlərinə əsaslanaraq orijinal şəkillər yaradır. Siz təfərrüatlı izah verə bilərsiniz: "okeanda üzən astronavt balığı, rəqəmsal sənət" - kimi sənət üslubunu təyin edə və ya Vincent Van Gogh kimi xüsusi bir rəssama istinad edə bilərsiniz.
Siz həmçinin proqramın sizə hər ay verdiyi kreditlərdən birini istifadə edərək şəkillər yaratmaq üçün öz şəkillərinizi yükləyə bilərsiniz.
"Whisper"
"Whisper" avtomatik nitqin tanınması modelidir, nitqi mətnə köçürür və bir çox dili müəyyən edib ingilis dilinə tərcümə edə bilir. Model bir çox dildə istifadə oluna bilir. Məhsul səhifəsindəki nümunələrdə, Whisper cəld danışılan mətnin demək olar ki, 30 saniyəlik uzunluğunu, K-pop mahnısını, danışıq fransızcasının audio klipini və güclü vurğu ilə danışan birinin danışığını transkripsiya edə bilir.
"Codex"
"Codex" təbii dili koda çevirən süni intellekt sistemidir. Model istifadəçinin daxil etdiyi sadə əmrləri şərh edə bilir. OpenAI "Codex"-in "ümumi məqsədli proqramlaşdırma modeli" olduğunu deyir. Bu o deməkdir ki, nəticələr fərqli ola bilər, baxmayaraq ki, o, "əsasən hər hansı proqramlaşdırma tapşırığı" üçün istifadə edilə bilər. OpenAI, "Codex"-i "kodun transkripsiyası, annotasiyası və refaktorinqi üçün" uğurla istifadə etdiyini söylədi.
