Verilən məlumatlara əsasən Netflix abunəçi itkilərinin ardından artıq ilin 3-cü rübündə bunun qarşısını ala bilib. Hətta Stranger Things and Dahmer - Monster, The Jeffrey Dahmer Story kimi bir sıra məşhur proqramların yayınlamasından sonra Netflix 2,4 milyon yeni üzv qazandı.
Lakin, əvvəlki rüblərdə 223 milyon ödənişli üzv Neflix-i tərk etdi ki, bu da bir il əvvəlki göstəricidən 2,6 faiz çoxdur. Halbuki, çərşənbə axşamı günü açıqlanan hesabata görə, şirkət cari rübün sonuna qədər 227 milyona çatmağı gözləyir. Qeyd edək ki, Netflix səhmləri 15,5% bahalaşıb.
Aprel ayında abunəçilərini itirdiyini açıqlaması ilə investorları şoka salan Netflix xalis gəlirində bir qədər azalma olduğunu bildirmişdi. Bir il əvvəl 1,44 milyard dollar olduğu halda 1,4 milyard dollara düşüb. Səhm başına qazanc isə 2,8 faiz azalaraq 3,10 dollara düşüb ki, bu da əslində gözlənilən qiymətdən (2,10 dollardan) daha yaxşıdır.
Bu yaxınlarda şirkət əsas bazarlarda yetkinləşən abunə artımı fonunda öz biznesini gücləndirmək üçün iki əsas təşəbbüs irəli sürüb: daha aşağı qiymətə reklam dəstəyi ilə yayımlanan xidmət və geniş yayılmış parol mübadiləsini məhdudlaşdırmaq cəhdi.
Netflix öz reklam səviyyəsini yaratmaq üçün sürətlə hərəkət edərək, Microsoft ilə əməkdaşlıqda platformanı cəmi 6 ay ərzində inkişaf etdirdi. O, yeni xidmətləri gələn ay təqdim etməyə başlayacaq. Bəzi analitiklər xəbərdarlıq etmişlər ki, reklam səviyyəsi, xüsusən də artan inflyasiya və axın xidmətlərinin yayılması nəzərə alınmaqla, istifadəçiləri daha ucuz hesablara keçməyə sövq edəcək.
Netflix həmçinin gələn ilin əvvəlində abunə artımının yüksək səviyyədə olduğu zaman çox məhəl qoymadığı bir problem olan parol mübadiləsi ilə mübarizə aparmağı planlaşdırır. Şirkət hesab sahiblərinə ailə və ya dostlar üçün “alt hesablar” yaratmaq imkanı təklif edəcək.
Bütün bunlardan əlavə, artıq şirkət potensial gəlir mənbələri nəticəsində qazanılan yeni abunəçilərin sayı barədə investorlara məlumat verməyi dayandıracağını bildirir. Hansı ki, üzvlük artımı əsasında səhm qiyməti illərlə yüksələn şirkət üçün bu simvolik dəyişiklikdir.
