Şirkət ilin birinci yarısında baş vermiş itkiləri üçüncü rübdə kompensasiya etməyi gözləyir.
Şirkətin maliyyə hesabatlarına görə, yayım xidməti Netflix 2022-ci ilin ikinci rübündə 970,000 ödəniş edən abunəçini itirib. Bundan əvvəl 200 minə yaxın abunəçi Rusiya bazarından çıxdığı üçün xidmətdən istifadəni dayandırıb.
Netflix abunəçilərinin sayı 221,64 milyondan 220,67 milyona qədər azalıb.Lakin şirkət 2022-ci ilin üçüncü rübündə bir milyona yaxın insanın ödənişli abunəçi olacağını gözləyir.
2022-ci ilin ikinci rübündə şirkətin gəliri 7,97 milyard dolları keçib, mənfəəti isə 1,44 milyard dollara çatıb.Müqayisə üçün qeyd edək ki, bu ilin birinci rübündə gəlir 7,86 milyard, mənfəət isə 1,59 milyard dollar olub.
Netflix daha əvvəl Microsoft ilə yeni reklam dəstəkli planın birgə istifadəyə verildiyini elan etdi. O, artıq mövcud olan əsas, standart və premiumu tamamlayacaq. Xidmət həmçinin reklam və satış texnologiyaları sahəsində innovativ ideyalar üzərində işi davam etdirməyi planlaşdırır. Yeni tarif planının təfərrüatları məlum deyil, çünki o, inkişafın "ilkin mərhələsində"dir.
