Texnoloji başlanğıc kimi, Netflix də istifadəçi artımını ən vacib şərt kimi qiymətləndirir. Təbii ki, abunəçi sayı düşəndə səhm qiyməti də düşür. Bəs, Netflix abunəçi sayının düşməsi ilə necə mübarizə aparacaq?
Netflix-in həlli abunəçi sayı barədə məlumat paylaşılmasını dayandırmaqdır. Bunun işləyəcəyini düşünmək üçün əsas var. Belə ki, Apple 2019-cu ildə artımın düzənlənməsindən sonra iPhone vahidlərinin satışları haqqında hesabat verməyi dayandıraraq strategiyasını dəyişdirdi. Nəticədə Apple bu planda uğurlu oldu.
Eyni zamanda Netflix noyabr ayında reklam dəstəkli abunə strategiyasını işə salacaq. Ayda 6,99 dollara olacaq bu tarif reklamsız tarifin yarısından azdır və rəqib xidmətlərdən daha ucuzdur.
Bütün bunlardan əlavə, Netflix, kabel televiziyasını inkişaf etdirərək axın xidmətlərində yeni bir sektor yaratdı. Nisbətən kiçik aylıq ödəniş müqabilində istifadəçilər reklamlar və televiziya proqramları ilə yükü olmayan yüksək keyfiyyətli şoulara çıxış əldə edirlər.
Netflix iddia edir ki, rəqibləri daha pis vəziyyətdədir. Lakin onun rəqabətdən kənarda qalması investorları razı salmır. Qeyd edək ki, üçüncü rübdə abunələr 2,4 milyon artıb, bu isə səhm qiymətini 13 faiz qaldırdı.
Əgər Netflix reklam gəlirinə 2 milyard dollar əlavə edə bilsə, əlavə olaraq da reklamla dəstəklənən yeni səviyyədəki abunəçilərdən daha 2 milyard dollar qazanc əldə etsə 2024-cü ildəki gəlirləri 41,5 milyard dollardan yuxarı qaldıracaq. Bu isə artımın koronavirus pandemiyasından əvvəlki səviyyələrə qaytarılması deməkdir.
Bunlar optimist təxminlərdir. Daha bədbin proqnoz odur ki, Netflix mövcud abunəçiləri aşağı səviyyəyə keçməyə təşviq edir və bir çox yeni iştirakçılar qazana bilmir. Axı, bazarda onlar üçün alternativ seçimlər çoxdur.
