ABŞ-ın regional bankları yenilikləri açıqlayıb. Belə ki, aktivlərə görə ən böyük üç şirkət - US Bancorp, PNC Financial Services və Truist Financial-dır. Yüksələn faiz dərəcələri və artan kredit hesabları sayəsində üçüncü rübün xalis faiz gəlirində bu banklar orta hesabla 20% artım göstərdi.
Ancaq məsələ bununla yekunlaşmır. Eyni zamanda ABŞ tənzimləyiciləri ən böyük regional kreditorlara daha sərt kapital tələbləri qoymağı planlaşdırır. Bu, mənfəət və səhmdarların gəlirlərinə zərbə vura bilər.
Bu banklar qeyri-sabit ticarət və qiymətli kağızların emissiyası ilə bağlı minimal riskdən faydalanıblar. PNC-də orta hesabla yüzdə 15 və US Bancorp-da yüzdə 16 olan adi kapitalın gəlirləri Citigroup, Wells Fargo və Goldman Sachs tərəfindən verilən rəqəmləri artıq üstələyib.
Son zamanlarda iri regional banklar 2008-ci il maliyyə böhranından sonra böyük Wall Street banklarına tətbiq edilən bəzi sərt qaydalardan qaçırlar. PNC, BBVA-nın ABŞ əməliyyatlarını satın aldıqdan sonra Amerikanın altıncı ən böyük kreditorudur. BB&T və SunTrust arasında 2019-cu ildə birləşmədən yaranan Truist isə yeddinci ən böyükdür. Kanadanın Monreal Bankı və Toronto-Dominion Bankı özlərinə məxsus böyük sövdələşmələrə imza atdıqdan sonra reytinqə daxil olublar.
Tənzimləyicilər meqa regional bankların maliyyə sabitliyinə risk yaratdığından qorxurlar. Nəticə etibarilə, US Bancorp, PNC və Truist-in hər biri 600 milyard dollardan az olan aktivləri hələ də Citigroup-un sahib olduğu aktivlərin üçdə birindən azdır. Üç bank hətta Maliyyə Tədqiqatları Ofisinin Bank Sistemli Risk Monitoru siyahısına düşə bilmir.
