ABŞ və Avropada 5000-ə yaxın insan naməlum hakerlər qrupunun qurbanı olub. Bu qrup kompüter şəbəkələrini sıradan çıxarmağa çalışıb.
Təhlükəsizlik tədqiqatçıları tərəfindən əvvəlcə Nevada Qrupu ləqəbi ilə tanınan haker qrupu, təxminən üç həftə əvvəl başlayan bir sıra hücumlara başladı.
Mətbuat müəyyən edilən bir neçə qurbanla əlaqə saxladı. Əksəriyyət şərh verməkdən imtina edib. Əsas səbəb isə hüquq-mühafizə orqanlarının onlardan bunu tələb etmələri olub. Bunlara ABŞ və Macarıstandakı universitetlər, İtaliyadakı gəmiçilik və tikinti qrupları və Almaniyadakı istehsalçılar daxildir.
Səlahiyyətlilər hələ də cinayətkarları müəyyənləşdirə bilməyiblər. İnternetdəki işə götürmə elanlarından bunların Rusiya və Çin hakerlərinin qarışığı olduğu təxmin edilir.
Qurbanların ən çoxu Fransada toplanıb. 2000 nəfərin təkcə Fransada hədəfə alındığı bilinir. Censys şirkətinin tədqiqatçıları Fransa, ABŞ, Böyük Britaniya və Almaniyanın böyük əksəriyyətini təşkil etdiyi 4468 qurbanı izləməyə başladılar.
Hücumlardan bir həftə sonra ABŞ Kibertəhlükəsizliyi və İnfrastruktur Təhlükəsizliyi Agentliyi (CISA) bəzi qurbanların məlumatlarına yenidən giriş əldə etməsinə imkan verən nisbətən sadə həll yolunu tapdı/ Bir neçə saat ərzində hakerlər zərərli proqramlarını düzəldib, həlli tamamilə asanlaşdırdılar. Onlar yenidən yüzlərlə qurbanı tələyə saldılar.
CISA bildirib ki, “Biz bu bildirilmiş insidentlərin təsirlərini qiymətləndirmək və lazım gəldikdə yardım göstərmək üçün dövlət və özəl sektor tərəfdaşlarımızla birlikdə işləyirik”.
