Google-un ana şirkəti Alphabetə məxsus olan Wing, dron ilə çatdırılma prosesini təkmilləşdirmək üçün yeni modellərini açıqladı.
Amazon bu yaxınlarda Prime Air-in dron xidmətinə başladığını elan etdi. Google-un ana şirkəti Alphabet-ə məxsus olan Wing, dronlarla çatdırılma xidməti üçün yeni modellərini təqdim etdi.
2012-ci ildə qurulan Wing şirkəti ilk dron daşıma əməliyyatını 2014-cü ildə həyata keçirib. Avstraliya, Finlandiya və ABŞ-da fəaliyyətini davam etdirən şirkət 2022-ci ilin birinci rübündə cəmi 50.000 bağlamanı uğurla çatdırdı.
Wing, Hummingbirg adlandırdığı dron modelinə əlavə olaraq, böyük və kiçik paketlər üçün xüsusi olaraq hazırlanmış yeni məhsullarını təqdim etdi. Şirkətin saytında deyilir: "Wing tərəfindən hazırlanmış prototiplər və istehsal olunan son məhsullar kütlələrinin təxminən 25 faizini təşkil edir". Avtomobillər çatdırılma işi üçün istifadə edildikdə bu nisbət 0,1 faizdən azdır. Pilotsuz çatdırılma həllərimiz həm qiymət/performans, həm də ətraf mühit baxımından bir addım öndədir” ifadələri də işlədildi.
Hummingbird təxminən 1,2 kq ağırlığında məhsulları daşıya bilər. Hazırlanmış modellərdən birincisi Hummingbird modelindən iki dəfədən çox ağır yükləri daşıya biləcək. Daha kiçik model dərman daşımaq üçün nəzərdə tutulub.
Wing-in baş direktoru Adam Vudvort deyib: “Biz Wing-in pilotsuz uçuş aparatına modul yanaşma edirik. Biz həmçinin sınaqlarda özünü sübut etmiş ideyaları və komponentləri təkrar istifadə etmək üzərində işləyirik. Test edilmiş uçuş idarəetmə sistemləri Wing-ə mövcud avadanlıqlardan istifadə edərək sürətlə yeni versiyalar hazırlamağa imkan verəcək” dedi.
Məlumdur ki, Wing qida, dərman və digər məhsulların çatdırılmasında tədarük zəncirinin optimallaşdırılması üzərində işləyir. Şirkətin fövqəladə hallara reaksiya üçün dronlardan istifadə edilməsi ilə bağlı Ar-Ge işlərinə də başladığı bildirilir.
