Keçdiyimiz günlərdə Elon Musk Twitter-də baş direktor vəzifəsindən istefa verib-verməməsi ilə bağlı sorğu keçirməyə qərar verdi.
17 milyondan çox insan səs verdikdən sonra nəticə bu cür oldu: Səsverənlərin 57%-i milyarder Twitter sahibinin kənara çəkilməli olduğunu düşünür. Musk, "bu sorğunun nəticələrinə əməl edəcəyini" söylədi. Bu, gözlənilən istefa uyğun namizədlər ilə bağlı müzakirələrə səbəb oldu.
Digər tərəfdən sorğu son nəticədə Musk-ın hansı şirkətə rəhbərlik edəcəyinə qərar verməli olduğu bir vaxta təsadüf edir: Tesla və ya Twitter. Nəzərə alaq ki, onun elektrik avtomobil şirkəti keçdiyimiz günlərdə həm analitiklər, həm də səhmdarlar tərəfindən tənqidlərə məruz qalmışdı.
Nəticədə isə, Musk 156 milyard dollarlıq sərvətinin təxminən yarısını təşkil edən Tesla-nı seçir və qeyd edilən Twitter sorğusu ona lazımlı bir qaçış səbəbi verir.
Tesla təzyiq altında
Musk diqqət mərkəzində olduğu müddətdə birdən çox şirkəti necə idarə etdiyi ilə bağlı suallarla üzləşib. Təkcə Tesla, SpaceX, Boring Company və ya Neuralink-ə nəzarət etmək, hətta ən etibarlı CEO-nu belə kifayət qədər məşğul edərdi.
Buna Twitter əlavə edildikdə, Tesla tərəfdarları haqlı olaraq Musk-ın çiyninə düşən bu qədər məsuliyyətdən narahat idilər. Bu narahatlıqlar keçən həftə zirvəyə çatdı.
Dekabrın 14-də Tesla-nın üçüncü ən böyük fərdi səhmdarı Leo KoGuan Twitter hesabında Musk-dan narazılığını bildirərək, “Tesla-nı tərk etdi və Tesla-nın işləyən CEO-su yoxdur” dedi. O, Muskın direktorlar şurasından müstəqil nəzarəti olan bir varisi tapmalı olduğunu söylədi.
Sərvət və İnvestisiya İdarəetmə Direktoru Ross Gerber keçdiyimiz günlərdə tvitində bildirdi ki, "Tesla səhmdarı Elon-un Tesla-da tam iş günü işləməsi daha məqsədəuyğundur".
SEC sənədlərinə görə, Tesla-nın bazar kapitallaşması 2020-ci ilin Noyabr ayından bəri ilk dəfə olaraq 500 milyard dollardan aşağı düşdü. Bu azalmanın qarşısını almağa Musk-ın təxminən 3,6 milyard dollar dəyərində 22 milyon Tesla səhmini satması kömək etmədi.
Twitter-in borc problemi Teslaya da təsir edir
Ümumilikdə, Musk Twitter-i satın aldığını elan etdikdən sonra Tesla müəyyən səhmlərini təxminən 23 milyard dollara satdı. Çünki o, Twitter-i satın alarkən etdiyi riskin ölçüsünü - sövdələşmədən geri çəkilməyə çalışdıqdan sonra başa düşdü.
Dekabrın 14-də dərc olunan analitik qeydində Wedbush's Ives - "Twitter kabusu davam edir. Çünki Musk Tesla-dan öz bankomatı kimi istifadə edir və Twitter-də gün keçdikcə daha da pisləşən vəziyyəti maliyyələşdirməyə davam edir".
Musk gözlənilən tənəzzülün qarşısını almaq üçün çalışır
Musk daha geniş iqtisadi tənəzzülün mənfi təsirlərindən xəbərdar görünür. Dekabrın 13-də Tesla səhmlərinin satışı ilə bağlı xəbərlərin ictimaiyyətə açıqlanmasından qısa müddət əvvəl o, "makroiqtisadi şəraitdə borcdan çəkinin, xüsusən də Fed faizləri artırmağa davam edərkən" deyə bir tvit atdı.
Bununla belə, Teslanın çətinlikləri bundan kənara çıxır. Şirkət 2022-ci ildə NASDAQ-ın təhlilinə əsasən, əhəmiyyətli dərəcədə aşağı performans göstərmişdir. Bu da bir çox texnoloji müəssisələrin eyni problemlərlə üzləşdiyini, lakin səhm qiymətlərində eyni enişlərin olmadığı faktını göstərir.
