Dünya Bankı Ukraniya üçün 723 milyon dollar kredit və qrantı təsdiqləyib. Dünya Bankından verilən açıqlamada, Dünya Bankı Qrupunun yaxın aylarda Ukraniyaya 3 milyard dollarlıq dəstək paketi və ukraniyalı qaçqınları qəbul edən qonşu ölkələrə əlavə dəstək hazırladığı bildirilib.
Bankdan verilən açıqlamada, İcraçı Direktorlar Şurasının təsdiqlədiyi paketə Hollandiya və İsveçdən 350 milyon dollarlıq əlavə kredit və 139 milyon dollarlıq girov daxil olduğu bildirilib. Açıqlamada bildirilir ki, paketə Böyük Britaniya, Danimarka, Latviya, Litva və İslandiyadan 134 milyon dollar qrant, həmçinin Yaponiyadan 100 milyon dollar maliyyə vəsaiti daxildir.
Bankın açıqlamasında Ukraniyaya ayrılan dəstəyin ümumi məbləğinin 723 milyon dollara çatdığı bildirilib. Sözügedən dəstəyin Ukraniya hökumətinə kritik xidmətlər göstərməsinə kömək edəcəyinə diqqət çəkən Dünya Bankı Qrupu, həmçinin Ukraniyaya qarşıdakı aylarda 3 milyard dollarlıq dəstək paketi və ukraniyalı qaçqınları qəbul edən qonşu ölkələrə əlavə dəstək hazırlayıb.
Bəyanatda fikirləri yer alan Dünya Bankının prezidenti David Malpass, Dünya Bankı Qrupunun "Rusiya işğalının səbəb olduğu zorakılıq və pozulma" qarşısında Ukraniyaya və onun xalqına dəstək olmaq üçün sürətli addımlar atdığını bildirib. Ukraniya və bölgə xalqının yanında olduqlarını vurğulayan Malpass, "Bu, bu böhranın geniş insani və iqtisadi təsirlərini aradan qaldırmaq üçün atdığımız bir çox addımın ilkidir" deyərək qeyd etdi.
