Dow ardıcıl beş həftə itkilər verdiyi üçün fond fyuçersləri aşağı düşüb

Rusiya-Ukrayna müharibəsi fonunda Dow ardıcıl beş həftə itkilər verdiyi üçün cümə günü sessiya ərəfəsində fond fyuçersləri aşağı düşüb. Dow Jones Industrial Average üzrə fyuçersləri 50 bənd geriləyib. S&P 500 fyuçersləri 0,44%, Nasdaq 100 fyuçersləri isə 0,66% ucuzlaşıb. Dow Jones Industrial Average Cümə axşamı günü müntəzəm ticarət zamanı əvvəlki sessiyada 650 bənddən çox yüksəldikdən sonra 112,18 bənd enərək 33 174,07-ə düşüb, S&P 500 isə 0,4% azalıb. Texnologiya ağırlıqlı olan Nasdaq Composite 1% azalaraq 13129,96-a düşüb, buna Apple və Meta Platformalardakı itkilər səbəb olub. Bu günə qədər bir həftə ərzində Dow 1,31% azalaraq 2019-cu ilin may ayından bəri ardıcıl beşinci mənfi həftəyə doğru gedir. Bu arada S&P bu həftə 1,60%, Nasdaq isə 1,38% ucuzlaşıb. İtkilər Rusiya və Ukrayna arasında danışıqların atəşkəs və ya Mariupol şəhərindən qaçmağa cəhd edən mülki şəxslər üçün keçidlə bağlı irəliləyiş əldə edilmədən dayanması ilə baş verib. İnvestorlar Rusiya və Ukrayna arasındakı münaqişənin nəticələrini ölçdükləri üçün bazarlar son həftələrdə dalğalandı Bu arada qarşıdurma fonunda qeyri-sabit olan neft qiymətlərinin cümə axşamı ucuzlaşmasından sonra West Texas Intermediate markalı xam neftin bir barel üçün olan qiyməti təxminən 106 dollara kimi azalıb. Brent markalı neftin barreli 1% ucuzlaşaraq təxminən 109 dollar olub. Qızıl və gümüş də daxil olmaqla, Ukraynada müharibə zamanı bahalaşan mallar müvafiq olaraq 0,61% və 1,70% bahalaşıb. Hightower-in baş investisiya strateqisti Stefani Link cümə axşamı CNBC-nin "Closing Bell"nə müsahibə verərkən "İnvestisiya nöqteyi-nəzərindən tarix uzunmüddətli perspektiv üçün bizim tərəfimizdədir" dedi. “Bazar bərpa oluna bilər və düşünürəm ki, nəhayət biz də bərpa olacağıq. Bunun nə qədər davam edəcəyini görmək üçün gözləməliyik, amma nəticədə bazar bərpa olunacaq”. Cümə axşamkı inflyasiya hesabatı istehlak qiymətləri indeksinin fevral ayında 7,9%-ə çatdığını göstərdi ki, bu da son 40 il üçün ən yüksək səviyyədir. Dow Jones-un hesablamalarına görə isə bu, il üçün gözləntilər 7,8%-dən bir qədər yüksək idi. CPI ay ərzində 0.8% artaraq ay üçün 0.7% olan təxminləri üstələyib. Rivian-ın səhmləri dördüncü rüb üçün yuxarı və aşağı xətlərdəki təxminləri əldən verdikdən sonra uzadılmış ticarətdə 11% -dən çox, DocuSign isə birinci rüb və maliyyə ili üçün zəif hesabatlar verdikdən sonra 18% ucuzlaşdı.