Çin Milli Radiosunun xəbərinə görə, Dövlət Şurasında iqtisadiyyatda sabitliyin artırılması üçün 6 fərqli sahədə 33 tədbirin yer aldığı yeni qərarlar qəbul edilib. Çində baş nazir Li Keqiang-ın rəhbərlik etdiyi Dövlət Şurasında iqtisadiyyatın sabitləşməsi üçün maliyyə, maliyyə təminat zəncirləri, enerji, sosial yardım, mənzil, istehlak və investisiyalar kimi sahələrdə xüsusi tədbirlərin görülməsinə qərar verilib.
Xəbərdə daha çox sektorda vergi endirimlərinin ediləcəyi və ümumi vergi endiriminin 140 milyard yuana çatdırılacağı, sosial sığorta ödənişlərinin təxirə salınmasının isə ilin sonuna qədər uzadılacağı və daha çox sektora yayılacağı ifadə edilir.
Maliyyə baxımından bu il kiçik və orta sahibkarlığa ayrılan kredit dəstəyinin payının iki dəfə artırılması qərara alınıb.
Son zamanlar çox gündəmdə olan tədarük zənciri ilə bağlı problemləri həll etmək istəyən Çinin istehsalın qaldığı yerdən davam etdirilməsi və daşımaların heç bir problem olmadan davam etdirilməsi üçün görülən tədbirləri nəzərdən keçirəcəyi qeyd edilib.
İstehlakı stimullaşdırmaq üçün minik avtomobillərindən toplanan vergilərin 60 milyard yuana qədər azaldılması qərara alınsa da, mənzil tələbatını ödəmək üçün şəhərlərə uyğun olaraq hazırlanmış tədbirlər həyata keçiriləcək.
Şura bir sıra enerji layihələri həyata keçirərək enerji təhlükəsizliyini təmin etməyi hədəfləyərkən, işsizlərə ediləcək sosial yardım standartlarında artan inflyasiyanı nəzərə almağa qərar verib.
