Dünyanın ən böyük idxalçısı Çinin epidemiyanın təsirlərinə iqtisadi dəstək verməsi və Liviyada tədarük problemlərinin davam etməsi səbəbindən neft qiymətlərindəki artım davam etdi. Brent nefti də beşinci ticarət günündə bahalaşaraq 114 dollara satılıb. ABŞ xam nefti də bir qədər bahalaşaraq 108 dollara çatıb.
Liviya Milli Neft Korporasiyası ölkənin cənubundakı Şerara Neft Yatağında "fors-major" səbəbindən hasilatın dayandırıldığını açıqlayıb. Milli Neft Korporasiyasından verilən yazılı açıqlamada, bir qrup etirazçının Şərara neft yatağına daxil olaraq işçilərin hasilatı davam etdirməsinə mane olduğu bildirilib.
Qurum bəyan edib ki, neft hasilatının dayandırılması ilə əlaqədar yeni açıqlamaya qədər fors-major vəziyyət elan edilib.
Milli Neft Korporasiyası ölkənin cənubundakı El-Fil Neft Yatağı və şərqindəki Zeytuna Limanında fors-major vəziyyət elan edərək hasilat və ixracın dayandırıldığını açıqlayıb.
Gündəlik 300 min barel xam neft istehsal gücünə malik Şərara Liviyanın ən böyük neft yatağı olaraq tanınır. El-Fil Neft Yatağı gündə təxminən 125.000 barel neft hasil edir.
