Çin Covid ilə bağlı məlumatlar toplamağı və bildirməyi dayandıracaq.
Bloomberg xəbər verir ki, bundan sonra Çin səlahiyyətliləri yalnız viral infeksiyanın simptomatik halları barədə məlumat verəcəklər. Çünki simptomatik olmayanları məcburi testlər olmadan qeyd etmək mümkün olmayacaqdır.
Ölkənin sıfır Covid siyasətinə yenidən baxması əksər insanlar tərəfindən neft qiymətləri üçün güclü yüksəliş amili kimi qəbul edildi və Çin məhdudiyyətləri yumşaltmağa başladıqdan sonra meyarlar daha yüksək tendensiyaya malikdir.
Morgan Stanley, bu həftə ölkənin yenidən açılması sayəsində Çinin iqtisadi artımı ilə bağlı proqnozuna əlavələr etdi. Belə ki onlar, Çin iqtisadiyyatının gələn il 5,4% artacağını gözləyir.
"Bizim nöqteyi-nəzərimizdən siyasətçilər bütün cəbhələrdə artımı yüksəltmək üçün razılaşdırılmış tədbirlər görürlər" deyə bankın analitikləri yazıblar. "Bu, 2019-cu ildən bəri ilk dəfədir ki, daxili makro siyasətlər və Covid menecmenti əvəzedici qüvvələr kimi çıxış etmək əvəzinə, böyümənin bərpasını dəstəkləmək üçün uyğunlaşdırılır".
Bu, həm də neftə tələbatın artması deməkdir ki, bu da Brent neftini həftələr ərzində ilk dəfə 80 dollar/barelə çatdırır. West Texas Intermediate isə 75 dollar/barel ətrafında qalır.
