Dünyanın böyük təbii qrafit istehsalçısı xəbərdarlıq edir ki, bazar gələcək onillikdə Qərbin qrafit tədarükünü məhdudlaşdıracaq.
Mozambikdə nəhəng bir mədən işlədən Tesla tədarükçüsü olan Avstraliyanın Syrah Resources şirkətinin baş icraçı direktoru Şaun Verner, qrafit bazarında qiymətlərlə bağlı şəffaflığın olmaması səbəbindən bankirlərin yeni layihələri maliyyələşdirməkdə tərəddüd etdiyini söylədi.
"Yeni investisiyalar üçün yeganə ən böyük maneə bazarın qeyri-şəffaflığıdır. Çünki kommersiya borcunu yerinə yetirmək həqiqətən çətindir" deyə o bildirib.
Qrafitdən və getdikcə daha çox silikon qatqısından hazırlanan batareyanın anodu digər materiallardan daha çox Çindən asılıdır. Çünki ölkə qrafitin 65%-ini hasil edir, 85%-ini emal edir və dünyanın altı ən böyük anod materialı istehsalçısına ev sahibliyi edir.
Elektrikli nəqliyyat vasitələrinin satışı artdıqca təbii qrafit tələbatı növbəti dörd ildə üç dəfə artacaq. Digər tərəfdən bu il ABŞ-da "İnflyasiyanın Azaldılması Aktının" qəbul edilməsi qrafit istehsalçılarına marağı daha da artırdı. Bu səbəbdən də Syrah Resources maliyyə boşluğunu aradan qaldırmaqda şanslı olub. O, Luizianada tikilməkdə olan anod materialı obyektini genişləndirmək üçün keçən ay ABŞ hökumətindən 220 milyon dollara qədər qrant alıb.
ABŞ-da qrafit emalı mərkəzi qurmağı hədəfləyən Urbix-in baş icraçı direktoru Nico Cuevas, Koreyalı akkumulyator istehsalçılarının da IRA (Individual Retirement Arrangement) tərəfindən hərəkətə keçməyə sövq edildiyini, lakin hələ də qarşıdan gələn xammal almaq üçün müqavilələr imzalamağa hazırlaşdıqlarını bildirib.
