Səudiyyə neft şirkəti Aramco 2021-ci ildə əvvəlki ilə nisbətən mənfəətini iki dəfədən çox artırıb. Neftin qiymətinin artması neft şirkətlərinin balanslarının iki dəfə artmasına səbəb olur.
2021-ci ilin maliyyə nəticələrini açıqlayan Səudiyyə enerji şirkəti Aramco da mənfəətini iki dəfədən çox artırıb. Şirkətin xalis mənfəəti 2021-ci ildə 110 milyard dollara yüksəlib. Epidemiyanın təsirli olduğu 2020-ci ildə şirkət 49 milyard dollar mənfəət yazıb.
Bazarda şirkətin 2021-ci ildə 106 milyard dollar gəlir əldə edəcəyi gözlənilirdi. 2021-ci ildə Brent markalı neftin qiyməti 50 faiz artmışdı. Bu, 2016-cı ildən bəri ən yüksək artım olub. 2021-ci ildə neft qiymətlərinin yüksəlməsi Rusiyanın bu il Ukraynaya müdaxiləsi ilə dəstəklənib. Neftdə 130 dollar səviyyələri qeydə alınıb.
Neftin qiymətinin artmasının təsiri ilə şirkət investisiya xərcləri proqnozunu da artırıb. Müvafiq olaraq, şirkətin 2022-ci ildə 40-50 milyard dollar sərmayə xərcləməsi gözlənilir. 2021-ci ildə bu rəqəm 31,9 milyard dollar olub.
