Keçdiyimiz günlərdə, Amazonun gözləniləndən daha zəif qazancı səhm qiymətinin təxminən 12% ucuzlaşmasına səbəb oldu. Bunun nəticəsi kimi Amp-dən təxminən 150 nəfər işdən çıxarıldı.
Bir neçə gün əvvəl, Amazon-un qazanc hesabatından sonra konfransda CFO (chief financial officer) Brian Olsavsky jurnalistlərə şirkətin xərcləri azaltmağın yollarını axtardığını söylədi və işçilərin sayının əsas hədəf olduğunu qeyd etdi. Olsavsky jurnalistlərə bildirib ki, inflyasiyadan və Amazon-un icra şəbəkəsinin həddindən artıq genişlənməsindən yaranan sabit xərclərdən fərqli olaraq, kadr təminatı üzərində işləməyimiz idarə olunan xərclərdən biridir”.
Qeyd edək ki, Amp bu ilin əvvəlində Nicki Minaj ilə tərəfdaşlıq elan edərək ictimaiyyətə təqdim edildi. Tətbiq istifadəçilərə öz canlı radio şoularını yayımlamağa imkan verir və məzmun yaradıcıları ilə maraqlanır. Şirkətin bir sözçüsünün bildirdiyinə görə, Amp mövcud olmağa davam edəcək.
"Amazonda biz böyük düşünürük, sınaqdan keçiririk və müştəriləri sevindirmək üçün yeni ideyalara sərmayə qoyuruq. Biz həmçinin müştərilərə dəyər vermək üçün məhsul və xidmətlərimizin tərəqqisini və potensialını daim qiymətləndiririk və bu qiymətləndirmələrə əsasən müntəzəm olaraq düzəlişlər edirik", - sözçü Rebecca Silverstein bildirib. O, həmçinin "Son bir araşdırmadan sonra isə biz bir neçə komandanı birləşdirmək qərarına gəldik ki, Amp-in böyüməsinə və miqyasına diqqət yetirək" - deyə qeyd edib.
Amazon son həftələrdə çoxsaylı layihələri bağladı. Bunlar arasında: 400 nəfərlik Amazon Care sağlamlıq şöbəsi, bir neçə robot texnikası təşəbbüsü, mavi səma tədqiqat təşəbbüsləri, Amazon Explore təklif edən uğursuz "virtual təcrübələr" və onlayn təhsil məzmunu hazırlayan komandalar var idi.
Şirkət həmçinin pərakəndə satış bölməsində işə qəbulun dondurulduğunu elan edib.
Bunların ardından Olsavsky belə qeyd edir: Gələcəkdə Amazon, müəyyən müəssisələrdə işə götürməyi dayandırmağı və resursların başqa yerlərdə daha yaxşı xərcləndiyinə inandığı məhsul və xidmətləri davam etdirməyi planlaşdırır.
