Ohayo Senatı ali məktəb tələbələrinin il ərzində işləyə biləcəyi saatların sayını artıran qanun layihəsini qəbul edib.
Ohayoda dərs ili ərzində tələbələr dərsdən sonra işlərdə saat 19:00-a qədər işləyə bilərlər. Yayda isə bu müddət axşam saat 21:00-a qədər artırıla bilər. Media xəbər verir ki, Palatada qəbul edilməsi təklif olunan qanun layihəsi tələbələrə il boyu axşam saat 21:00-a qədər işləməyə imkan verəcək.
Layihənin müəlliflərinə görə, qəbul olunacaq qanun yeniyetmələrin TikTok kimi sosial media proqramlarında sərf etdiyi vaxtı da məhdudlaşdırmalıdır.
"Bu, onlara əlavə dollar qazanmağa imkan verəcək. Və bu, bəlkə də düşünmədiyimiz bir bonusdur. Bu layihənin qəbul olunması ilə tələbələr TikTok və digər sosial şəbəkələrə daha az vaxt sərf edəcəklər"-dedi senator Jerri Cirino.
Yeniyetmələrin TikTok və Instagram kimi tətbiqlərə sərf etdiyi vaxtın miqdarı qanunvericilər arasında illərdir diqqət mərkəzində olub. Xüsusən də bu tətbiqlərin psixi sağlamlığa mənfi təsirləri haqqında çoxlu araşdırmalar dərc edilib.
Qanunvericiliyə görə, sosial media saytlarında 16 yaşından kiçik uşaqlar qeydiyyatdan keçməzdən əvvəl valideyn icazəsini almalıdır.
Öz növbəsində, TikTok martın 1-də istifadəçilərin tətbiqində sərf etdiyi vaxtın miqdarını proaktiv şəkildə məhdudlaşdırmaq niyyətində olan yeni siyasətləri təqdim etdi. 18 yaşından kiçik istifadəçilər gün ərzində tətbiqdə 60 dəqiqədən çox vaxt keçdikdən sonra parol daxil etmək üçün bildiriş alacaqlar. Valideyn və ya qəyyum 12 və daha kiçik yaşlı uşaqlar üçün əlavə ekran vaxtını təsdiqləməlidir.
