Bayden administrasiyası "TikTok"un çinli sahiblərini ABŞ-ın potensial qadağası ilə hədələyir. Hökumət onlardan şirkətdəki paylarını satmağını istəyir.
Həmin tələb bu yaxınlarda ABŞ-da "Cfius" kimi tanınan Xarici İnvestisiya Komitəsi tərəfindən irəli sürülüb.
"TikTok"a edilən çağırış, platformanın yaratdığı milli təhlükəsizlik təhdidinə qarşı kifayət qədər güclü mövqe tutmadığına görə Respublikaçılar Bayden administrasiyasını tənqid ediblər.
"TikTok" Pekində yerləşən "ByteDance" şirkətinə məxsusdur. Şirkətin səhmlərinin təxminən 60%-i qlobal sərmayəçilərə, 20%-i işçilərinə, digər 20%-i isə sahiblərinə məxsusdur. Səhmlərinin digərlərindən az olmasına baxmayaraq, şirkət sahibləri böyük səsvermə hüququna malikdir.
"TikTok"un sözçüsü dedi: "Məqsəd milli təhlükəsizliyi qorumaqdırsa, mülkiyyətin ayrılması problemi həll etmir. Mülkiyyətdə dəyişiklik məlumat axınına və ya girişə heç bir yeni məhdudiyyət qoymur. Milli təhlükəsizliklə bağlı narahatlıqları həll etməyin ən yaxşı yolu ABŞ istifadəçi məlumatlarının və sistemlərinin şəffaf, ABŞ-a əsaslanan mühafizəsi, güclü üçüncü tərəf monitorinqi və yoxlaması ilə təmin edilir ki, biz bunu artıq həyata keçiririk”.
Bloomberg xəbər verir ki, hələ də "TikTok" rəhbərliyi milli təhlükəsizlik problemləri ətrafında işləmək üçün "ByteDance"dən ayrılmağı düşünür.
Bayden administrasiyasının hazırkı təklifi ABŞ-da "TikTok"a qarşı davam edən təkanların son eskalasiyasıdır. Rəsmilər şirkət rəhbərliyinin, Çinin amerikalılara casusluq etmək və ya manipulyasiya etmək yollarını asanlaşdıracağından narahatdırlar.
ABŞ hökuməti "TikTok"un şirkəti "ByteDance"in istifadəçi məlumatlarına çıxış imkanı verməyə məcbur edilə biləcəyindən narahatdırlar. Onlar düşünürlər ki, Çin Kommunist Partiyası bunu Çinin Milli Kəşfiyyat Qanunu vasitəsilə həyata keçirəcək.
Keçən il "TikTok" ABŞ rəsmilərinin narahatlığını aradan qaldırmaq üçün "Cfius" tərəfindən təklif olunan bir neçə dəyişikliyi həyata keçirməyə razılaşıb.
Dekabr ayında Senat "TikTok"un hökumət cihazlarında qadağan edilməsinə səs verdi. O vaxtdan bir neçə ştat proqrama tam və ya qismən qadağalar tətbiq etdi. Bəzi universitetlər də "TikTok"u qadağan etmək üçün addımlar atıblar.
Insider xəbər verir ki, "TikTok" ətrafında milli təhlükəsizlik müzakirəsi "Shein" və "Temu" kimi digər sürətlə inkişaf edən Çin texnoloji şirkətlərini sıradan çıxara bilər. Bu, hətta Çində fəaliyyət göstərən Amerika şirkətlərinə təsir edə bilər.
Alternativlərdən biri ABŞ-da daha güclü məlumat məxfiliyi qanunlarının qəbul edilməsi ola bilər.
Corciya Texnologiya İnstitutunun kibertəhlükəsizlik proqramının direktoru, "TikTok" və milli təhlükəsizliklə bağlı İnternet İdarəetmə Layihəsi hesabatının müəllifi Milton Mueller daha əvvəl Insider-ə bildirib ki, “Biz daha təhlükəsiz texniki standartlar və şifrələməni izləməyə davam etməliyik”.
